Mtibwa Sugar na Wamalawi kesho.

Na Oscar Oscar Jr
 
Vinara wa ligi kuu Tanzania bara, timu ya Mtibwa hapo kesho itajitupa dimbani kumenyana na timu ya Karonga United kutoka nchini Malawi mchezo utakaopigwa mkoani Mbeya. 

Mtibwa ambao wako mkoani Mbeya, wamepanga kucheza mchezo huo wa kirafiki Wilayani Kyela kabla ya kurudi kwenye dimba la Sokoine kumenyana pia na Tanzania Prisons.

Mtibwa Sugar ambao wanaongoza ligi kuu wakiwa na  alama 15, wanatumia kipindi hiki cha mapumziko kuhakikisha wanapata mechi nyingi za kirafiki ili ligi itakapoanza kutimua vumbi hivi karibuni, iwakute kwenye hali nzuri ya kupambana na kuhakikisha wanaendeleza moto wao waliouanzisha msimu huu.

Tarehe 27 Desemba, Mtibwa Sugar watakuwa kwenye uwanja wao wa Nyumbani wa Manungu kule mkoani Morogoro kuwakabili Stand United kutoka mkoani Shinyanga kwenye muendelezo wa ligi kuu Tanzania bara. 

Stand United ambao wanaoshika nafasi ya 10 mpaka sasa, wataakuwa na kibarua kigumu hasa ukizingatia kuwa Mtibwa hajapoteza mchezo hata mmoja kwenye ligi mpaka sasa.