Newcastle United ni kama Bayern Munich

Na Oscar Oscar Jr

Kocha wa Newcastle United, Alan Pardew ameibuka na kusema kuwa timu yake ni kama mabingwa wa Bundesliga, timu ya Bayern Munich. 

Newcastle ambao walianza ligi kwa kusua sua huku kukiwa na madai ya kocha huyo kutaka kufukuzwa kazi, hivi karibuni wameshinda mechi tano mfululizo kwenye mashindano tofauti.

Akizungumza Alan Pardew kuelekea mchezo wao siku ya Jumamosi na timu ya QPR, kocha huyo amesema kuwa siri kubwa ya mafanikio yao ya kupata ushindi siku za hivi karibuni yametokana na mchango mkubwa unao onyeshwa na safu yake ya ushambuliaji ambapo mpaka sasa, wamefunga magoli 13.

Pardew alisema, kitendo cha safu ya Ushambuliaji kutimiza majukumu yao ndicho kitu pekee ambacho siku zote kinafanywa na klabu ya Bundesliga, Bayern Munich. Kocha huyo amesema kuwa, namna wanavyoshambulia kwa sasa, ni aina ya soka linalochezwa na Bayern.

Jumamosi ya tarehe 22 wikendi hii, Newcastle ambao wanakamata nafasi ya nane kwenye msimamo wa ligi kuu Uingereza kwa, watawakaribisha QPR wa Harry Redknapp kwenye dimba la St. Jame's Park majira ya saa 12:00 Jioni kwa saa za Afrika Mashariki.