Juventus kumekuchaaa!!

Na Oscar Oscar Jr

Kipa na Nahodha wa klabu ya Juventus ya Italia, Gianluigi Buffon na msaidizi wake, Giorgio Chiellini leo hii wamemaliza utata kwa kuongeza mikataba yao ya kuendelea kuitumikia klabu hiyo ambayo inapigana kuhakikisha wanatetea ubingwa wao wa ligi kuu Seria A kwa mara nyingine.

Buffon ambaye kwa sasa ana umri wa miaka 36, ameongeza mkataba na klabu hiyo na sasa ataendelea kuwa kwenye timu hiyo hadi 2017 huku Chiellini, yeye akiongeza mkataba utakao mbakisha klabuni hapo hadi 2018.

Mwaka 2001 Buffon alijiunga na Juventus akitokea klabu ya Parma na tangu hapo amekuwa na Juventus huku akifanikiwa kutwaa mataji saba na kiu pekee aliyonayo, ni kuhakikisha wanapata taji la klabu bingwa Ulaya kabla hajastaafu soka.

Naye beki wa kati wa timu hiyo, Giorgio Chiellin hakusita kuisifia klabu yake kwa mchango mkubwa waliofanya katika kumuimarisha huku akiahidi kuitumikia klabu hiyo kwa ngvu zake zote kila siku. Juventus wanakamata nafasi ya kwanza kwenye Seria A huku wakiwa na alama 28 baada ya michezo 11 kupigwa mpaka sasa.

Jumamosi hii watakuwa ugenini kucheza na timu ya Lazio ambao wanakamata nafasi ya tano wakiwa na alama 19 mchezo utakaopigwa kwenye dimba la Olimpic majira ya saa 4:45 Usiku. 

Kwa upande wa pili, mahasimu wao timu ya As Roma ambao wanakamata nafasi ya pili wakiwa na alama 25, watakipiga na klabu ya Atalanta majira ya saa 2:00 usiku ambayo inakama nafasi ya  17 kwenye Seria A.