NEYMAR AISAIDIA SANA TU BRAZIL KUIFUMUA MEXICO 2-0 USIKU HUU

TIMU ya taifa ya Brazil imeshinda mechi yake ya pili ya Kombe la Mabara, huku kijana mdogo mwenye kipaji cha ajabu, Neymar akifunga bao tamu ndani ya dakika 10 za kwanza kabla ya kumtengenezea nafasi ya kufunga bao la pili 

Brazil imeilaza Mexico mabao 2-0 bila ubishi na sasa inatimiza ponti sita na kuzidi kujiimarisha kileleni mwa Kundi A.

 

Daniel Alves alipinda krosi kutoka kulia na nyota mpya wa Barcelona, Neymar akaitokea wa kwanza mbele ya beki wa Mexico, kabla ya kuhadaa na kumtungua kipa Jose Corona dakika ya tisa na dakika ya 90 akampa pande Jo kufunga la pili.

 

Katika mchezo huo uliochezeshwa na refa Howard Webb wa Uingereza, kikosi cha Brazil kilikuwa: Cesar, Alves, Silva, Luiz, Marcelo, Luiz Gustavo, Paulinho, Oscar/Hernanes dk62, Hulk/Lucas Moura dk78, Neymar na Fred. 

Mexico: Corona, Rodriguez, Salcido,  Torrado, Dos Santos, Henandez, Moreno,  Guardado, Torres/Barrera dk70, Mier na Flores/Herrera dk68.  

Balaa: Neymar alikuwa shujaa wa Brazil leo

Pongezi: Neymar akishangilia bao lake

Javier Hernandez akiwa chini baada ya kukutana na shuluba la Thiago Silva

Damu! David Luiz aliumizwa kichwani na beki mwenzake wa kati, Thiago Silva hadi kutokwa damu

Luiz akitibiwa

Damu ilisababisha abadilishe jezi

Mbio: Neymar akijaribu kumtoka Gerardo Torrado wa Mexico

Hulkl akipambana na Jorge Torres Nilo wa Mexico

Shabiki wa Brazil 

Neymar akiugulia maumivu katika moja ya matukio ya mechi hiyo baada ya kuumia