Rafael Benitez, kocha mpya Liverpool

Na Oscar Oscar Jr

Baada ya kuiongoza klabu ya Liverpool kwenye mafanikio makubwa msimu uliopita, kocha wa timu hiyo Brendan Rodgers anaweza kuonyeshwa mlango wa kutokea mwishoni mwa msimu huu kama mambo yataendelea kuwa mabaya.

Tayari kuna majina ya makochwa ambao wametajwa kuwa na uwezekano wa kuchukuwa mikoba hiyo, moja ya makocha hao ni Rafael Benitez ambaye kwa sasa anafundisha timu ya Napoli kwenye ligi kuu nchini Italia. 

Benitez anaonekana kutaka kuonda kwenye klabu ya Napoli na sasa anatajwa kurudia kwenye klabu yake ya zamani.

Pamoja na kocha huyo iliyeipatia mafanikio makubwa timu ya Liverpool ikiwamo ubingwa wa klabu bingwa Ulaya, watu wengine wanaotajwa kuchukuwa mikoba ya Rodgers ni kocha Frank de Boer, Laurent Blanc na Ronald Koeman.

Mke na watoto wawili wa kike wa kocha Benitez bado wanaishi kwenye jiji la Liverpool na kocha huyo anaona kitendo cha kurudi kuinoa Liverpool, kitamfanya awe karibu pia na familia yake ambayo licha ya yeye kuhamia nchini Italia, wao wamesalia Uingereza.