Louis Van Gaal sina wivu na Manchester City

Na Rossa Kabwine

Kocha wa klabu ya Manchester United, Loius Van Gaal amesisitiza kuwa, hakuna sababu ya kuwa na wivu na kikosi cah Manchester city na amesema anajisikia vizuri kuelekea mchezo wao utakaopigwa siku ya Jumapili.

Van Gaal ametumia zaidi ya pauni 150M tangu arithi mikoba ya aliyekuwa kocha wa timu hiyo David Moyes katika kuijenga klabu ya Manchester United na sasa anaweza kuanza kuonyesha thamani ya fedha hiyo kwa kupata matokeo mazuri.

Kelekea mchezo wao wa Etihad Mdachi huyo amesema kuwa, hana wivu na kikosi cha Man City, naona fahari kwa wachezaji wangu na hicho ndio kitu muhimu na tutakapocheza kama timu tutakuwa na nafasi kubwa ya kushinda.

United watakuwa na nahodha wao Wayney Rooney ambaye ametoka kutumikia adhabu yake ya kukosa mechi tatu huku wakitazamia kuendeleza kiwango walicho kionesha wiki iliopita walipotocha sare ya 1-1 dhidi ya Chelsea.

Manchester City watakuwa katika derby hiyo bila ya ushidi ndani ya michezo mitatu iliyopita lakini, Van Gaal amewaonya wachezaji wake kuwa watulivu ili wasipate kadi nyekundu amabayo inaweza kuharibu matarajio yao. 

Timu hizo zitakutana kesho huku zikikosa wachezaji wake muhimu ambapo Falcao atakosa mechi hiyo kwa upande wa United huku Frank Lampard na David Silva ambaye ameumia goti watakosa mchezo huo kwa upande wa Manchester City.

Kurejea kwa Rooney kunaipa Man United nguvu zaidi katika safu ya ushambuliaji ambapo mchezaji huyo anaongoza kwa kufunga mabao ya derby hiyo akifunga jumla ya magoli 11 katika michezo 22 aliyocheza huku akifunga magoli saba katika uwanja wa Man City