Manchester United na mbio za Ubingwa.

Na Oscar Oscar Jr

Kocha wa Manchester United, Loius Van Gaal ameendelea kusisitiza kuwa timu yake ina uwezo wa kuwakamata Chelsea ambao wanaongoza ligi kwa sasa wakiwa na alama 22 huku, Manchester United wakitimiza pointi 12 baada ya kutinga dimbani mara nane mpaka sasa.

Man United walilazimika kusubiri goli la Delay Blind la kusawazisha huku zikiwa zimesalia dakika tatu pekee mpambano kumalizika baada ya kuwa nyuma kwa mabao 2-1. 

Mechi hiyo ilimalizika kwa sare ya mabao 2-2. Mabao ya West Bromwich Albion yakifungwa na Stephane Sessegno na Berahino huku yale ya United, yakifungwa na Marouan Fellain na Delay Blind.

Van Gaal ameulizwa kama atashinda mchezo wake dhidi ya Chelsea na kama kuna uwezekano wa kuwafikia kileleni akajibu kuwa, kila kitu kina wezekana ingawa haiwezi kuwa rahisi. 

Timu hizo zitakutana siku ya Jumapili ya wiki hii kwenye dimba la Old Trafford huku mchezo huo ukitarajiwa kuvuta hisia za wapenzi wa kandanda.

Katika ratiba ya Manchester United ya mechi zao nne za hivi karibuni, inaonyesha watakutana na vigogo wa EPL kama Chelsea, Manchester City na Arsenal na  mechi hizi zinaweza kutumiwa na wataalamu wa masuala ya soka, kupima mwelekeo wa timu hiyo amabayo bado haijakaa sawa.