Gareth Bale kuikosa mechi dhidi ya Liverpool

Na Oscar Oscar Jr

Winga machachari wa klabu ya Real Madrid, Gareth Bale ameachwa kwenye kikosi kitakacho cheza na timu ya Liverpool kwenye dimba la Anfield siku ya Jumatano kwenye muendelezo wa michuano ya Uefa. 

Jana klabu ya Real madrid ilieleza afya ya utata ya mshambuliaji huyo ambaye anasumbuliwa na tatizo na misuli na leo kocha wa timu hiyo, Carlo Anchelotti ametangaza kikosi cha wachezaji 20 watakao safiri kwenda Anfield huku jina la Bale, likiachwa nje ya orodha hiyo.

Bale hakutumika pia kwenye mchezo wa La Liga dhidi ya Levante ambapo Real Madrid walishinda kwa mabao 5-0 na taarifa zimefika mbali na kudai kuwa, anaweza akakosa pia mechi ya El-clasico ambayo itapigwa mwishoni mwa juma hili kwenye dimba la Estadio Santiago Bernabeu.

Real Madrid watataka kuendeleza ushindi wao kwenye Uefa wa asilimia 100 ambapo mpaka sasa, wameshashinda mechi mbili na watakutana na Liverpool ambao wameshinda mechi moja na kupoteza nyingine.