Manchester walifahamu majeruhi ya Falcao kabla ya kumchukuwa.

Na Oscar Oscar Jr

Kocha wa Manchester United, Loius Van Gaal hajutii kumuuza Danny Welbeck kwenda klabu ya Arsenal licha ya kuwa washambuliaji wake wanaonekana kuwa na umri mkubwa. Radamel Falcao 28, Wayne Rooney 29 na Roben Van Persie 31.

Welbeck ambaye ana umri wa miaka 23 aliuzwa kwenda arsenal, mahali ambapo ameonekana kufanya vizuri mpaka sasa akiwa na magoli 10 kwenye klabu na timu ya Taifa ya Uingereza. Welbeck ameonekana kuimarika kutokana na kuchezeshwa mahali ambapo kuna mpa uhuru zaidi.

Loius Van Gaal amedai kuwa, alikuwa anafahamu majeruhi ya Falcao lakini, ana amini mkolombia huyo bado ana nafasi nzuri ya kuisaidia timu yake. 

Van Gaal amesema, kumzuia Welbeck kuondoka United, isingesaidia kumkuza mchezaji huyo lakini pia, amesisitiza kuwa kijana kama James Wilson, anafanya vizuri na muda si mrefu atakuwa bora.

Van Gaal  ameendelea kuwashangaa watu wanaodhani timu yake ina safu mbovu ya ulinzi na kuwaambia kuwa, ukitazama takwimu za kufungwa kati yao na Arsenal, utapata jibu. Mpaka sasa Arsenal imefungwa magoli 13 huku United wakifungwa goli moja pekee.

Kocha huyo ambaye leo majira ya saa 2:00 usiku atakuwa uwanjani Emirates kuvaana na Arsenal, amesema Falcao atalazimika kupigania namba pindi atakaporejea dimba. Mpaka sasa, mshambuliaji huyo amefunga bao moja pekee.