Arsenal wanamtaka tena Thomas Vermaelen kwa Mkopo

Na Oscar Oscar Jr

Wachezaji Jack Wilshere na Wojciech Szczesny ambao walishindwa kuendelea na mchezo wa ligi kuu Uingereza kutokana na kupata majeruhi siku ya Jumamosi wakata Arsenal akilala 2-1 dhidi ya Manchester United, wanatarajia kuukosa mchezo wa klabu bingwa Ulaya siku ya Jumatano dhidi ya Borussia Dortmund ndani ya dimba la Emirates.

Tayari majibu ya vipimo alivyofanyiwa Wilshere yameonyesha kuwa hakuvunjika mfupu na huenda baada ya mechi ya Dortmund, atarejea. Golikipa Szczesny, naye anaendelea vema na atakaa nje kwa mchezo mmoja au miwili kisha atarejea.

Baada ya kumuuza Nahodha wa Gunners, Thomas Vermaelen kwenda klabu ya Barcelona kabla ya msimu huu kuanza, leo zimeibuka taarifa za Boss wa Arsenal, Arsene Wenger kuanza mazungumzo na Uongozi wa Barcelona ili kuona kama kuna uwezekano wa kumpata beki huyo kwa mkopo wakati dirisha la usajili litakapofunguliwa mwezi January.

Arsenal wameonekana kuyumba sana kwenye safu ya ulinzi hasa baada ya kuumia kwa beki wa kati Laurent Conscienly na Methieu Debuchy na sasa, beki wa pembeni Nacho Monreal analazimika kucheza kati sambamba na Per Metersacker.

Kwa upande wa Gazeti la The Express, wao wameripoti kuwa, Arsenal na Manchester United sasa wanapigania saini ya beki wa kushoto wa Hull City,  Andrew Robertson. Beki huyo mwenye miaka 20, huenda akaigharimu Gunners Pauni 10M.