AL AHLY KWA SASA WAMEAMUA KUSAKA KOCHA MWINGINE.

 Na Oscar Oscar Jr
+255789784858

Kocha mkuu wa Sochaux Herve Renard na kocha wa Al Ittihad ya Alexandria Denis Lavange ni miongoni mwa walioorodheshwa kwa nafasi ya kocha wa Al Ahly msimu ujao, taarifa zimeenea.

Ripoti nchini Misri zinasema kocha wa Al Ahly Mohamed Yousef ataondoka baada ya mwisho wa msimu huu.Tetesi zinasema Wafaransa hao wa wili ndio wanaoongoza kwenye orodha ya Al Ahly na kwamba wataanza mashauriano mara moja kutaka kuwachukua. 

Tetesi hizo pia zimedokeza kwamba Lavange anakaribia sana kuchukua kazi hiyo baada ya kukataa kutia saini upya mkataba wake wa sasa ambao unaisha baada ya miezi miwili. 

Lavange alichukua usukani Al Ittihad na kuimarisha sana klabu hiyo, na kwa sasa pia anasakwa na mabingwa wa Saudi Arabia Al Naser.